澳門金沙Fans必備工銀亞洲新卡邊歎邊賺...

唔少人都鍾意去澳門玩下食下,住下豪華嘅賭場酒店當渡假。最近工銀亞洲出咗張ICBC金沙時尚萬事達卡,喺金沙旗下澳門嘅酒店有折,仲可以賺額外積分,用嚟喺金沙換返獎賞。如果係澳門之友,就要留意以下介紹。

 

ICBC金沙時尚萬事達卡基本資料
-年薪要求:$250,000 (時尚卡 / 白金卡)
-基本簽賬獎賞:$240=12金沙時尚積分
-額外簽賬獎賞:金沙旗下澳門酒店住宿、餐飲、購物額外積分,海外簽賬3X積分
-年費:$1,900 (時尚卡) / $1,000 (白金卡),首3年豁免
-外幣交易手續費:1.9%
-跨境港幣交易手續費:-

 

優惠主打金沙消費
呢張卡有兩個版本,分別係世界卡 (World MasterCard) 同白金卡,主要優惠都係集中喺金沙旗下酒店 (澳門金沙、澳門威尼斯人、澳門巴黎人、澳門瑞吉金沙城中心酒店、澳門四季酒店、澳門金沙城中心假日酒店、澳門金沙城中心康萊德酒店、澳門喜來登金沙城中心大酒店等等) 嘅住宿、餐飲、購物消費,都會有額外金沙時尚積分。

至於喺金沙旗下酒店消費有咩優惠,可以參考下表:

積分當現金使
金沙時尚積分係咩嚟呢?首先出卡就會自動成為金沙時尚 (sandslifestyle.com) 會員,而透過MasterCard「Pay with Rewards」系統,積分就可以用嚟係金沙旗下酒店、食肆同指定商店當錢使或換優惠。持卡人出卡後要自己去金沙時尚網站啟動會藉,先可以開始儲積分。仲有就係,金沙時尚同金沙會係兩回事,大家唔好撈亂。

至於實際金沙時尚積分可以點用,幾多分換到酒店住宿,根據金沙時尚CS嘅答覆:
-每1,000分除以12當$83用 (即係12分=$1),要$100以上先可以用。(即係要1,200分)
-暫時可以喺澳門金沙、澳門威尼斯人、澳門巴黎人、同「Plaza」(CS話唔知中文係乜,即係百利宮?)用。
-積分有效期1年或以上,視乎由邊間酒店賺返嚟。(有啲複雜)
CS話由於呢個計劃都係剛剛推出,其他詳情會陸續公佈。

 

假設用世界卡訂4月8號巴黎人豪華客房一晚 ($ 1,873.50,連稅$2,154.52),就有20X金沙時尚積分,可以賺到2,154分,以12分=$1計,可以當$179.5用。

 

迎新優惠送住宿
-2017年12月31日或之前成功申請
-網上同時申請 ICBC銀聯雙幣信用卡額外送2張MCL戲院電影戲票
-發卡後3個月內累積簽賬滿指定金額,可獲迎新禮品
累積簽賬滿$5,000:金光飛航來回套票2套
累積簽賬滿$15,000:澳門金沙度假區餐飲券價值澳門幣500
累積簽賬滿$25,000:澳門金沙度假區免費住宿一晚及以上兩項
-迎新優惠換領由金沙時尚負責,申請人須於批卡後自行到金沙時尚網頁啟動會籍。簽賬滿指定金額後,金沙時尚將電郵相關獎賞換領信至申請人登記電郵。

 

評語:澳門之友專用
呢張卡好明顯就係為成日過澳門玩,特別係鍾意住金沙度假區嘅朋友而設,住酒店、食嘢、買嘢都可以賺額外金沙時尚積分,用返啲分喺酒店消費。不過如果想儲蓄里數或現金回贈,就未必啱用喇。